වැලන්ටයින්

වෙන් කරලා ලු දිනයක්
ආදරවන්තයන්ට
කරන්නට ආදරය
ඇයි තහනම්ද අනිත් දවස්.....

වෙන කොහේදෝ
ආදරය කරන්නට
විවාහ වෙන්නට තහනම් වූ රටක

උදවු කළ, ආදරයට                                                          
සාමී නමින් වැලන්ටයින්....


මරා දැමුවායින් පසු
ගෞරව පිණිස එතුමාට
එරට වැසියන් යොදා ගත් දිනය
මුළු ලොවම බදා ගෙන අද වෙද්දි


දෙපසින් වරම් නොලබන
පෙම්වතුන් සැම හට
තුබුණත් කොයි තරම්
වෙන් කළ දිනයන්


හිර කර ඇති කූඩු
කඩා බිඳ දමා ගෙන
ඒ එකම දවසේ පමණක්
හැකිද පැමිණෙන්නට
කරන්නට ආදරය....



හැකි නම් පැමිණෙන්නට
ඇතිද එය වසරකට
ආදරය නම්  එයමද?

මුළු දිවිය පුරාවට
ආදරෙයි මං ඔයාට
කියමින් කූඩු වූ එක් කැදැල්ලට
බිරිඳ- සැමියාට
තහනම්ද ඒ දිනය

දෙනවා නම් , ලබනවා නම්
ආදරය හැමදාම
කුමකටද එක් දිනක්
තර කරන්නට
වෙළඳුන්ගේ මඩිය